حکمران اتحاد اور پی ڈی ایم کے قائدین نے فل کورٹ کے مطالبے سے پیچھے نہ ہٹنے پر اتفاق کرلیا۔
وزیراعظم ہاﺅس میں حکمران اتحاد اور پی ڈی ایم کے قائدین کا اہم مشاورتی اجلاس ہوا جس میں وزیراعظم شہبازشریف، پی ڈی ایم کے سربراہ مولانا فضل الرحمان، پی پی پی کے چئیرمین بلاول بھٹو زرداری شریک ہوئے۔ ایم کیوایم، مسلم لیگ (ق)، اے این پی، باپ، بی این پی سمیت دیگر اتحادی جماعتوں کے قائدین بھی شریک اجلاس میں شریک ہوئے۔ مسلم لیگ (ن) کی نائب صدر مریم نوازشریف اور پارٹی کے دیگر قائدین بھی اجلاس میں موجود تھے۔
اجلاس میں سپریم کورٹ کے تین رکنی بینچ کے فیصلے کی روشنی میں مستقبل کی حکمت عملی طے کی گئی۔ تمام قائدین نے ممکنہ صورتحال میں متفقہ حکمت عملی کے ساتھ آگے بڑھنے پر اتفاق کیا۔
خیال رہے کہ سپریم کورٹ نے حکمران اتحاد کی ڈپٹی سپیکر کی رولنگ کے کیس میں فل کورٹ بینچ تشکیل دینے کی استدعا مسترد کردی ہے۔ عدالت نے فیصلہ سناتے ہوئے کہا کہ ڈپٹی سپیکر کی رولنگ کا کیس صبح ساڑھے 11 بجے سنا جائے گا۔
Leave a Reply