سیاسی جماعتوں کے اسٹیبلشمنٹ کے ساتھ تعلقات پر آصف علی زرداری کا اہم بیان

سابق صدر آصف علی زرداری نے کہا ہے کہ سیاسی جماعتوں اور اسٹیبلیشمنٹ کے تعلقات میں وقت کیساتھ بہت بہتری آئی ہے۔

نیوز کے مطا بق کراچی میں صوبائی وزرا سے ملاقات میں انہوں نے کہا کہ اتحادی حکومت، اسٹیبلیشمنٹ اورعدلیہ سب کو مل کر ملک کو بحران سے نکالنا ہے،تعلقات میں مزید بہتری آئے گی،سب کا مقصد ملکی ترقی،جمہوریت کی مضبوطی ہے۔ان کا کہنا تھا کہ ہم سب نے وقت کے ساتھ بہت کچھ سیکھا ہے،ملک کو اس بحرانوں میں عمران خان چھوڑ کر گیا ہے۔

انہوں نے کہا کہ عمران خان کا دور آزادی صحافت کے لحاظ سے سیاہ دور رہا ہے، کاش عمران خان کو صحافیوں کے حقوق کا خیال اپنے دور حکومت میں بھی آجاتا،پیپلز پارٹی کے دور حکومت میں ہمیشہ صحافیوں کو آزادی ملی اور ملتی رہے گی۔