قوم آج پاک فضائیہ کے ہیرو ایم ایم عالم کا87 واں یوم پیدائش منا رہی ہے

 پاک فضائیہ کے ہیرو ایم ایم عالم کا87 واں یوم پیدائش آج منایا جارہا ہے، مختلف شہروں میں تقریبات کا اہتمام کیا گیا ہے۔ایم ایم عالم کا اصل نام محمد محمودعالم تھاوہ 6جولائی1935 کو کلکتہ میں پیداہوئے  ایم ایم عالم1952 میں پاکستان ائیرفورس میں شامل ہوئے 1965کی پاک بھارت جنگ میں سرگودھا کے محاذپر ایک ڈاک فائٹ کے دوران5بھارتی ہنٹر جنگی طیارےصرف 1 منٹ کے اندر مار گرائے جن میں چار30سیکنڈ کے اندر مار گرائے تھے یہ ایک عالمی ریکارڈ تھا اس جنگ کے دوران ایم ایم عالم نے مجموعی طورپر دشمن کے نو طیارے مار گرائے اور 2طیاروں کو نقصان پہنچایا اس کارنامے پر انہیں 2 مرتبہ ستارۂ جرأت کا اعزاز عطاکیا گیا ۔ایم ایم عالم18 مارچ2013 کو کراچی میں طویل علالت کے بعد انتقال کر گئے تھے۔