وزیراعظم شہباز شریف نے ہائیر ایجوکیشن کمیشن کی بحالی اور آئندہ بجٹ میں کٹوتی نہ کرنے کی ہدایات جاری کر دیں ہیں ۔
نجی ٹی وی کے مطابق وزیراعظم نے ہدایات جاری کی ہیں کہ ہائیر ایجوکیشن کمیشن کو پاکستان مسلم لیگ (ن) کے سابق دور کی طرز پر فعال بنایا جائے، وزیراعظم نے ہائیر ایجوکیشن کمیشن سے متعلق وزارت منصوبہ بندی اور خزانہ کو ہدایات جاری کی ہیں۔
ہدایت میں کہا گیا ہے کہ ہائیر ایجوکیشن کمیشن کے بجٹ میں گزشتہ پونے 4سال میں کٹوتیوں نے اعلی تعلیم پر منفی اثر ڈالا ہے، اس عمل کو ریورس کیا جائے، ملک بھر کی یونیورسٹیوں میں تعلیمی پراجیکٹس کی بحالی پر توجہ مرکوز کی جائے، اعلی تعلیم کو عالمی معیار پر استوار کرتے ہوئے پروگرامز کی تعداد میں اضافہ کیا جائے، ہائیر ایجوکیشن کمیشن کے بجٹ میں کٹوتی نہ کی جائے۔
وزیراعظم نے کہا کہ ہائیر ایجوکیشن کمیشن کے وسائل میں خاطر خواہ اضافہ کیا جائے، اور اساتذہ اور طالب علموں کو ہر ممکن سہولیات فراہم کی جائیں۔
Leave a Reply