Category: Latest News

نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں ایک روپے 37 پیسے فی یونٹ اضافے کی سفارش کردی ہے۔

ایکسپریس نیوز کے مطابق چیئرمین نیپرا توصیف ایچ فاروقی کی زیر صدارت نیپرا ہیڈ کوارٹرز میں سینٹرل پاور پرچیز ایجنسی کی جانب سے ماہانہ فیول ایڈجسٹمنٹ کی مد میں بجلی کی قیمت میں ایک روپے 46 پیسےفی یونٹ اضافے کی درخواست پر سماعت ہوئی۔سماعت کے دوران چیئرمین نیپرا نے کہا کہ تمام پاور پلانٹس کو ہدایات جاری کی گئی ہیں کہ جولائی اور اگست میں پاور یونٹس کو شیڈولڈ بند نہیں کیا جائے گا۔ نیو کلیئر پاور پلانٹس کے حکام نے بھی اس حوالے سے یقین دہانی کرا دی ہے۔ ایل این جی کی عالمی قیمت بڑھنے سے 9.6 ارب روپے کا اضافی بوجھ پڑا،اعدادوشمار کے مطابق جولائی کی فیول پرائس ایڈجسٹمنٹ 1روپے 37پیسے بنتی ہے

احساس تعلیم پروگرام  کے تحت مستحق طلبا کو وظائف کے اجراء کی تقریب سے خطاب کرتے ہوئے وزیر اعظم نے کہا کہ پاکستان کے ہر علاقے میں والدین بچیوں کو تعلیم دینا چاہتے ہیں ، مگر ریاست ذمہ داری پوری نہ کر سکی ۔

وزیر اعظم عمران خان نے اپنے خطاب میں کہا کہ میں پورا پاکستان گھوما ہوں ، مجھے کہیں ایسے والدین نظر نہیں آئے جو اپنی بچیوں کو تعلیم نہ دلوانا چاہتے ہوں  لیکن وہاں مسائل کچھ اور تھے جیسے بچیوں کے سکول نذدیک نہیں تھے یا وہاں ٹیچرز نہیں تھے ۔

عمران خان ن کہا کہ بچے اور بچیوں کی سکول جانے والی تعداد میں بہت زیادہ فرق ہے ، بچیوں کی سکولوں میں حوصلہ افزائی کرنی چاہئے ، 

ماضی میں ہماری حکومتوں نے  لڑکیوں کی تعلیم کو اہمیت نہیں دی ، کسی بھی ملک کا سب سے بڑا اثاثہ وہاں کے عوام ہوتے ہیں اور عوام کو سہولیات فراہم کرنا ریاست کی ذمہ داری ہوتی ہے ، ماضی کی حکومتیں اپنی ذمہ داریاں پوری نہیں کر سکیں ۔

وزیر اعظم نے کہا کہ وظائف پروگرام کیلئے انفارمیشن ٹیکنالوجی کا استعمال پروگرام میں شفافیت لائے گا ، ہمارے ہاں یہ بہت بڑی بد قسمتی ہے کہ فیک انٹریز ہوتی ہیں ، یہاں پر تو گھوسٹ سکول بھی ہیں ، آئی ٹی کے استعمال سے اس مسئلے پر بھی قابو پایا جائے گا ، پڑھی لکھی خاتون اپنے معاشرے کو فائدہ پہنچاتی ہے ۔

اس سے قبل ڈاکٹر ثانیہ نشتر  نے تقریب سے خطاب کرتے ہوئے کہا کہ ملکی تاریخ میں پہلی بار مستحق طلبا کو تعلیمی وظائف دیے جا رہے ہیں ، 4 سے 22سال کی عمر کے طلباء وظائف سے مستفید ہوں گے ، وظائف ان والدین کو دیے جائیں گے جو بچوں کی 70 فیصد حاضری کو یقینی بنائیں گے ۔

سلم لیگ (ن) کی جانب سے میڈیا ڈویلپمنٹ اتھارٹی کوپارلیمنٹ سمیت ہر فورم پر روکنے کا فیصلہ کر لیاگیا۔لیگی صدر اور اپوزیشن لیڈر قومی اسمبلی شہباز شریف کی زیر صدارت ہونے والے اجلا س میں میڈیا سے متعلق کا لا قانون روکنے کے لیے اپوزیشن کی مشترکہ کمیٹی بنانے کا بھی فیصلہ کیا گیا۔کمیٹی بل کے قانونی اور دیگر پہلووں کا جائزہ لے کر حکمت عملی تجویز کرے گی۔

نجی ٹی وی دنیا نیوز کے مطابق مسلم لیگ(ن) کے صدرشہباز شریف کی زیر صدارت میڈیا ڈویلپمنٹ اتھارٹی سے متعلق پارٹی کا مشاورتی اجلاس منعقد ہوا جس میں شہبازشریف نے پارٹی رہنماوں کو صحافتی تنظیموں سے ہونے والی ملاقات سے متعلق آگاہ کیا۔

 موقع پر شہباز شریف کا کہنا تھا کہ میڈیا کی تمام نمائندہ تنظیموں نے میڈیا ڈویلپمنٹ اتھارٹی کو مسترد کیا ہے ،پی ایم ڈی اے ایک کالا قانون ہے، ہر فورم پر روکیں گے اور تمام قانونی آپشنز کا استعمال کریں گے،حکومت کا مقصد قانون سازی یا امور بہتر بنانا نہیں بلکہ میڈیا کو اپنا تابع فرمان بنانا ہے ۔

 اپوریشن لیڈر نے کہا کہ نام نہاد قانون کی تیاری میں متعلقہ فریقین سے مشاورت نہیں ہوئی اور نہ ہی اس میں متعلقہ فریقین سے تجاویز اور آرا لی گئی ہیں،یہ کالا قانون منظور ہوا تو ملک سے اظہاررائے کی آزادی کا وجود مٹ جائے گا،آئین میں دی گئی اظہار رائے کی آزادی سلب کرنے کا راستہ ہر قیمت پر روکنا ہوگا۔

سپریم کورٹ نے مضاربہ سکینڈل کے ملزم سیف الرحمان کی احاطہ عدالت سے گرفتاری پر قومی احتساب بیورو(نیب ) کی غیر مشروط معافی مسترد کرتے ہوئے تحریری طور پر معافی نامہ جمع کرانے کا حکم جاری کردیا۔

نجی ٹی وی دنیا نیوز کے مطابق سپریم کورٹ میں قائم مقام چیف جسٹس عمر عطا بندیا ل کی سربراہی میں تین رکنی بینچ نے مضاربہ سکینڈل کے ملزم سیف الرحمان کی نیب کی جانب سے احاطہ عدالت میں گرفتاری سے متعلق کیس کی سماعت کی۔ ڈی جی نیب راولپنڈی عرفان نعیم منگی اور ڈی جی ایچ آر نیب سپریم کورٹ میں پیش ہوئے۔سماعت کے دورا ن ڈی جی نیب راولپنڈی عرفان منگی کی جانب سے عدالت سے غیر مشروط معافی گئی جسے عدالت عظمیٰ نے مسترد کردیااور تحریری طور پر معافی نامہ جمع کرانے کا حکم دیا۔

ڈی جی نیب نے عدالت عظمیٰ کو بتایا کہ ملزم سیف الرحمان پر 116 ارب روپے فراڈ کا الزام ہے اور اس کیس کے 4 لاکھ سے زائد متاثرین ہیں، ملزم ہائیکورٹ کے حکم کے باوجود5روز تک بااثر شخص کے گھر چھپ گیا تھا اورملزم جس گھر میں چھپا تھا نیب ٹیم 5 روز تک گھر کے باہر ر±کی رہی مگر داخل نہیں ہوئی،میرے 17 سالہ کیریئر میں اس طرح کا یہ پہلا واقعہ ہے،غیر ارادی طور پر نیب اہلکاروں نے سپریم کورٹ کے احاطہ کی توہین کی،خدشہ تھا ملزم ایران کے بارڈر سے فرار ہو جائے گا۔

قائم مقام چیف جسٹس عمر عطابندیال نے ریمارکس دیئے کہ عدالت کا دروازہ معصوم اور ملزم سب کے لیے کھلا ہوتا ہے، اگر عدالتی دروازہ پر ظلم ہوگا تو کون عدالت آئے گا،نیب ملازمین نے احاطہ عدالت میں جو کیا اسکی کسی عدالت میں اجازت نہیں، نیب ملازمین کے کنڈیکٹ پر حکم جاری کریں گے ۔ملزم سیف الرحمان کے وکیل لطیف کھوسہ نے دلائل دیتے ہوئے کہا کہ نیب اہلکاروں نے سپریم کورٹ پر حملہ کیاجس پر قائم مقام چیف جسٹس نے کہا کہ کھوسہ صاحب، یہ جملہ نہ کہیں، عدالتی توہین ضرور کی گئی ہے، 100ارب روپے سے زائد کے فراڈ کا الزام چھوٹا الزام نہیں ہے،وقفہ کے بعد آ کر ضمانت کے معاملے کو سنیں گے۔

لاہور میں پہلے اینٹی ویمن ہراسمنٹ اینڈ وائیلنس سیل کے قیام پر تیزی سے کام جاری ہے۔

پنجاب پولیس کے ترجمان کا کہنا ہے کہ اینٹی ویمن ہراسمنٹ اینڈ وائیلنس سیل لاہور میں لبرٹی خدمت مرکز کے عقب میں تعمیر کیا جا رہا ہے۔

پنجاب پولیس کے ترجمان کے مطابق ڈی آئی جی آپریشنز لاہور سہیل چوہدری نے سیل کے تعمیراتی کاموں کا جائزہ لیا۔

اس موقع پر ڈی آئی جی آپریشنز لاہور سہیل چوہدری نے نے میڈیا سے گفتگو بھی کی۔

انہوں نے کہا کہ لاہور پولیس خواتین کا تحفظ یقینی بنائے گی، جرائم کے تدارک کے ساتھ کمیونٹی پولیسنگ کا فروغ بھی ترجیح ہے۔

وفاقی حکومت نے پٹرولیم مصنوعات کی قیمتوں میں کمی کا اعلان کیا ہے۔

تفصیلات کے مطابق پٹرول کی قیمت  میں ایک روپے 50 پیسے فی لیٹر کمی کی گئی ہے جس کے بعد پٹرول کی نئی قیمت 118روپے 30 پیسے فی لیٹر ہوگی۔ہائی سپیڈ ڈیزل اور مٹی کے تیل  کی قیمت میں بھی  ایک روپے 50 پیسے فی لیٹر کمی کا اعلان کیا گیا ہےجبکہ لائٹ ڈیزل کی قیمت میں ایک روپے فی لیٹر کمی کا اعلان کیا گیا ہے۔

اسلام آباد کے تھانوں میں سی سی ٹی وی کیمرے اور اوپن مائیک نصب کرنے کا فیصلہ کیا گیا ہے،افسران اپنے دفاتر سے تھانے میں سائلین سے سی سی ٹی وی کیمروں کے ذریعے خود بات کریں گے ۔

پولیس ترجمان کے مطابق  آئی جی اسلام آباد کا کہنا ہے کہ کسی بھی تھانے میں شہریوں سے غیر مہذب رویہ برداشت نہیں کیا جائے گا،اسلام آباد کے تمام تھانوں میں سی سی ٹی وی کیمرے لگیں گے اور کیمروں کے ساتھ مائیک بھی نصب ہوں گے، جو پولیس اہلکار یا افسر داد رسی کے لیے تھانے آنے والے سائل کے ساتھ بد تمیزی یا نازیبا رویہ اختیار کرے گا، اس کی خیر نہیں۔آئی جی اسلام آباد اور ڈی آئی جی آپریشنز نہ صرف کیمروں سے مانیٹرنگ کریں گے بلکہ خود سائلین سے بات بھی کر سکیں گے۔یہ فیصلہ پولیس کے سائلین کے ساتھ انتہائی شرمناک اور نازیبا رویے کی ویڈیوز سوشل میڈیا پر آنے کے بعد کیا گیا۔آئی جی اسلام آباد قاضی جمیل الرحمان کی زیر صدارت کرائم میٹنگ میں فیصلہ کیا گیا ہے کہ کسی بھی تھانے میں شہریو ں سے غیر مہذب رویہ ہرگز برداشت نہیں کیا جائے گا۔تمام زونل ایس پیز، ایس ڈی پی اوز کو روزانہ ایک گھنٹہ اپنے دفتر میں شہریوں سے ملاقات کرنے کی ہدایت بھی کی گئی ہے۔

مسلم لیگ ن کے صدر اورقومی اسمبلی میں قائد حزب اختلاف شہبازشریف نے کہاہے کہ پاکستان آگے چلے گا تو چاروں صوبے بھی آگے چلیں گے،ترقی کریں گے، اجتماعی کوشش کے ساتھ آگے بڑھنا ہوگا ، ذاتی خواہشات اور اغراض سے بلند ہوکر ملک کی خدمت کرنا ہوگی ،قائد اعظم اور ان کے ساتھیوں نے اس وطن کے لئے عظیم قربانیاں دی ہیں ، ہمیں ان کے خوابوں کو تعبیر دینا ہے،پاکستان کے لئے لوگوں نے اپنی جانیں قربان کیں، ہمیں ان کی قربانیوں کو رائیگاں نہیں جانے دینا ،انتھک محنت سے کام کرکے پاکستان کو ترقی یافتہ ملک کی صف میں لے جانا ہوگا ،ہماری آج بدقسمتی سے یہ حالت ہے کہ ہمسایہ ممالک ہم سے ترقی میں آگے نکل گئے ہیں، خود احتسابی نہ کی تو 700 سال اور بھی گزر گئے تو صورتحال جوں کی توں رہے گی ،آج بھی ہم اپنےساتھ اورقوم سےوعدہ کریں توملک کی حالت بدل سکتےہیں،کراچی کا امن بحال ہونے کا سوفیصد کریڈٹ نوازشریف حکومت کو جاتا ہے ،سی پیک اور پاکستان کے محدود وسائل سے جو منصوبے لگائے، اللہ کے کرم سے ایک دھیلے کی کرپشن ثابت نہ ہوسکی۔

 کراچی میں اپنے اعزا زمیں دیئے گئے عشائیہ کی تقریب سے خطاب کرتے ہوئے شہبازشریف نے کہاکہ نوازشریف کی قیادت میں مسلم لیگ  ن نے 11000 میگاواٹ بنا کر ملک سے اندھیروں کا خاتمہ کیا ،اس میں سی پیک اور نان سی پیک منصوبے شامل تھے ،توانائی کی قلت کے خاتمے کی وجہ سے کراچی کی روشنیاں واپس آئیں، صنعتوں کی چمنیوں سے دھواں نکلنا پھر سے شروع ہوا،سی پیک کے منصوبوں میں پورٹ قاسم میں 1360 میگاواٹ کا کوئلے سے چلنے والا پلانٹ شامل تھا ،حب میں 600 میگاواٹ اور ساہیوال میں 1360 میگاواٹ کی بنیاد رکھی گئی ، یہ سب سی پیک کے منصوبے تھے،اللہ تعالی کی رحمت سے پورٹ قاسم منصوبے سے 7 مہینے پہلے ساہیوال کا پراجیکٹ آپریشنل ہوا۔

انہوں نے عشائیے سے خطاب میں کہاکہ میں کراچی کی کارروباری شخصیات سے آج ملاقات کرکے بے حد خوش ہوا ہوں ،کراچی کا امن بحال ہونے کا سوفیصد کریڈٹ نوازشریف حکومت کو جاتا ہے ،نوازشریف کی غیرمتزلزل کمٹمنٹ اور خلوص کے باعث کراچی کے شہریوں کو بوری، بھتے اور پرچیوں سے نجات ملی ۔یہاں کے امن وامان کے حالات سے تنگ آکر کاروباری برادریوں نے بیرون ملک منتقل ہونا شروع کردیا تھا، یہ کوئی راز نہیں ،نوازشریف نے سندھ کی حکومت، رینجرز، افواج پاکستان اور تمام شعبہ ہائے زندگی کو اعتماد میں لے کر زبردست پروگرام لانچ کیا،اس مہم کے نتیجے میں سندھ کا امن دہائیوں بعد واپس لوٹ کر آیا تھا،میاں نوازشریف کی کراچی کے حوالے سے سب سے بڑی خدمت کراچی کا امن واپس لے کر آنا ہے ۔

https://twitter.com/pmln_org/status/1431325006156423174

محکمہ موسمیات نے آج شام سے بدھ کے دوران بالائی اور وسطی علاقوں میں مون سون بارشوں کی پیشگوئی کر دی۔محکمہ موسمیات کی جانب سے جاری پریس ریلیز کے مطابق مون سون ہوائیں 27 اگست کی شام سے ملک کے بالائی علاقوں میں شدت کے ساتھ داخل ہوں گی جس کے باعث 27 اگست کی شام سے 01 ستمبر کے دوران پنجاب، کشمیر، اسلام آباد، خیبرپختونخوا ، بلوچستان اور گلگت بلتستان کے بیشتر علاقوں میں بارش ہو گی۔

رپورٹ کے مطابق اسلام آباد ، راولپنڈی ، اٹک ، چکوال ، جہلم ، گجرات ، منڈی بہاوالدین ،سیالکوٹ ، نارووال ، گوجرانوالہ ، حافظ آباد ، لاہور ، اوکاڑہ، فیصل آباد ، سر گودھا، میا نوالی، کوہستان، شانگلہ، مانسہرہ، ایبٹ آباد، ہری پور، مردان، چارسدہ، نوشہرہ، دیر، چترال، پشاور،کوہاٹ ،وزیرستان، گلگت بلتستان(غذر، استوار، دیامیر، سکردو، گلگت، ہنزہ ،نگر، گانچی اورخرمنگ) میں وقفے وقفے سے تیز ہواوں اور گرج چمک کے ساتھ بارش کا امکان ہے۔

اس کے علاوہ 29 اگست کی رات سے 31 اگست کے دوران دیر، کوہستان، مانسہرہ، ایبٹ آباد، مظفر آباد، راولپنڈی، اسلام آباد، گوجرانوالہ، سیالکوٹ، لاہور اور قصور میں موسلادھار بارش کا بھی امکان ہے۔30 اگست کی شام سے 01 ستمبر کے دوران ٹانک ،کرک، بنوں،ڈیرہ اسماعیل خان، جھنگ، ٹوبہ ٹیک سنگھ ، بھکر،لیہ، ساہیوال، بہاولنگر، ڈیرہ غازی خان، راجن پور، خانپور، ، خا نیوال، ملتان، کوہلو، لورالائی ، بارکھان، ڑوب، مو سی خیل، کو ئٹہ ، ز یا رت اور قلات میں بھی تیز ہواوں اور گرج چمک کے ساتھ بارش کی بھی توقع ہے۔