پاکستان کے سیلاب متاثرین کیلئے دوست ممالک کی جانب سے امداد کا سلسلہ جاری ہے ، امریکہ نے پاکستان کے سیلاب متاثرین کیلئے ایک کروڑ ڈالر امداد کا اعلان کر دیا۔
نجی ٹی وی “دنیا نیوز” کے مطابق امریکی وزیر خزانہ انٹونی بلنکن سے پاکستانی وزیر خارجہ نے ملاقات کی ، ملاقات کے دوران خطے کی صورتحال و دیگر اہم امور پر تبادلہ خیال کیا گیا، وزیر خارجہ بلاول بھٹو نے امریکی ہم منصبک و پاکستان میں آنے والے سیلاب کی تباہ کاریوں سے متعلق آگاہ کیا ۔
دونوں وزرائے خارجہ نے مشترکہ پریس کانفرنس کرتے ہوئے کہا کہ سیلاب کے بعد پاکستان کا ایک تہائی حصہ زیر آب ہے ، متاثرین کیلئے 17 امدادی طیارے بھیج چکے ہیں ، ہم پاکستان کے ساتھ ہیں ۔
انٹونی بلنکن نے کہا کہ مشکل وقت میں پاکستان کے ساتھ ہیں ، پاکستان میں سیلاب سے اتنے افراد متاثر ہوئے جتنی کینیڈا کی مجموعی آبادی ہے ،افغانستان کی ترقی امریکہ اور پاکستان کیلئے ضروری ہے ، یہ دونوں ممالک کا مشترکہ مسئلہ ہے ۔ وزیر خارجہ بلاول بھٹو نے کہا کہ موسمیاتی تبدیلی کے باعث تباہی کا سامنا ہے ، بارشوں اور سیلاب کے باعث 100 کلو میٹر طویل جھیل بن گئی ہے ۔
Leave a Reply