اسلام آباد ہائیکورٹ نے عمران خان کی براہ راست تقاریر دکھانے پر پابندی کا نوٹیفکیشن معطل کر دیا

اسلام آباد ہائیکورٹ نے چیئرمین پاکستان تحریک انصاف اور سابق وزیر اعظم عمران خان کے براہ راست خطاب کو نشر کرنے کی پابندی کا نوٹیفکیشن معطل کر دیا۔

 عمران خان کے براہ راست خطاب کو نشر کرنے کی پابندی کے خلاف درخواست کی سماعت چیف جسٹس اسلام آباد ہائیکورٹ جسٹس اطہر من اللہ نے کی ،عمران خان کی جانب سے  بیرسٹر علی ظفر عدالت میں موجود ہے ۔دوران سماعت چیف جسٹس اطہر من اللہ نے استفسار کیا کہ کیا آپ عمران خان کے بیان کو جسٹفائی کرتے ہیں ؟ ۔بہت بوجھل دل سے کہہ رہا ہوں عدلیہ کو دھمکیاں دینے کی امید نہیں تھی ، 

ایک خاتون جج کو دھمکیاں دی گئیں ، آپ نے پڑھا کہ چھوڑیں گے نہیں ، یہ فالوورز کیلئے بھی میسج تھا کہ چھوڑنا نہیں ، یہ باتیں میرے  بارے میں گئی ہوتیں تو پرواہ نہیں تھا، ماتحت  عدلیہ کی بہت زیادہ اہمیت ہے  جہاں ہر عام آدمی جاتا ۔

دوران سماعت چیف جسٹس اطہر من اللہ نے ریمارکس دیے کہ  آپ نے تشدد والا معاملہ خود اپنے بیان سے خراب کیا، تشدید کے معاملے پر بحث ہونی چاہئے ۔

بعد ازاں عدالت نے عمران خان کی براہ راست تقاریر نشر کرنے پر پابندی کا نوٹیفکیشن معطل کر دیا۔