سستی بجلی اور کھاد کیلئے پنجاب بھر کے کسانوں کا اسلام آباد میں احتجاج

 پنجاب بھر کے کسانوں نے اپنے سستی بجلی و کھاد کیلئے وفاقی دارالحکومت کا رخ کرلیا، مظاہرین طے شدہ مقام کے بجائے ڈی چوک کی پیش قدمی کرنے پر بضد ہیں۔پولیس اور انتظامیہ نے گزشتہ شب مذاکرات کی کوشش کی مگر کسانوں کی جانب سے کوئی خاطر خواہ جواب نہیں ملا، حالانکہ کے احتجاج کے سرکردہ افراد نے ایف نائن میں احتجاج کرنے کی یقین دہانی کروائی تھی اور اب طے شدہ مقام کے بجائے ڈی چوک پیش قدمی کرنے پر بضد ہیں۔

ایکسپریس نیوز کے مطابق پنجاب بھر کے کسان اپنے حقوق کے حصول کےلیے وفاقی دارالحکومت اسلام آباد پہنچ گئے ہیں، پولیس کا کہنا ہے کہ احتجاج میں شامل افراد کے پاس ڈنڈے اور دیگر ہتھیار ہوسکتے ہیں، لہذا مظاہرین کو کسی بھی صورت میں ریڈ زون داخلے کی اجازت نہیں دی جاسکتی۔