جب میں نے ساتواں این ایف سی ایوارڈ 19 سال بعد دیا تب تو غدار نہیں تھا ، شوکت ترین

سابق وزیر خزانہ اور سینیٹر شوکت ترین نے کہا کہ میری ٹیلیفونک گفتگو کو توڑ مروڑ کر پیش کیا گیا ، جب میں نے  19سال کے بعد این ایف سی ایوارڈ دیا تب تو شوکت ترین غدار نہیں تھا، غداری کے سرٹیفکیٹ بانٹنے بند ہونے چاہئے ۔

کراچی میں پریس کانفرنس کرتے ہوئے شوکت ترین نے کہا کہ مفتاح اسماعیل آئی ایم ایف سے بات چیت کر رہے تھے کہ ہماری آڈیو توڑ مروڑ کر لیک کر دی گئی ، کسی کی گفتگو کو ٹیپ کرنا قانوناً جرم ہے ، ہم نے تو کوئی آڈیو لیک نہیں کی ، آڈیو لیک ہونے سے آئی ایم ایف ڈیل متاثر ہونے کا خدشہ تھا تو انہوں نے کیوں لیک کی ، اس سے پہلے یا بعد میں کر لیتے  اسی  روز ہی کیوں لیک کی گئی ۔