دورہ سری لنکا کیلئے پاکستان کرکٹ ٹیم کا کیمپ آج سے راولپنڈی میں شروع ہورہا ہے۔
Written by Prime FM92 on June 26, 2022
18 رُکنی اسکواڈ میں شامل کرکٹرز اسلام آباد پہنچ گئے ہیں۔ اظہر علی، شان مسعود اور محمد رضوان کاؤنٹی کرکٹ میں مصروفیت کے سبب کیمپ کا حصہ نہیں بنیں گے۔
رپورٹس کے مطابق تینوں کرکٹرز سری لنکا روانگی سے قبل قومی اسکواڈ کو لاہور میں جوائن کریں گے۔
پنڈی اسٹیڈیم میں صبح 9 سے ایک بجے تک پریکٹس سیشن رکھا گیا ہے، 27 اور 28 جون کو ٹیسٹ میچز کی پریکٹس کے لئے دو روزہ سیناریو بیسڈ میچ شیڈول کیا گیا ہے جبکہ 29 جون کو آرام کا دن ہے۔
رپورٹس کے مطابق 30 جون اور یکم جولائی کو دوبارہ سیناریو بیسڈ میچز کھیلے جائیں گے، کیمپ 2 جولائی تک شیڈولڈ ہے۔
واضح رہے کہ پاکستان اور سری لنکا کے درمیان دو ٹیسٹ میچز کی سیریز 16 جولائی سے کھیلی جائے گی۔
