صارفین کے ڈیٹا کے تحفظ کیلئے پی ٹی اے کے عملی اقدامات شروع ،جون کے آخر تک تمام تکنیکی ضابطے مکمل کر لئے جائیں گے
Written by Prime FM92 on June 19, 2022
وزیراعظم شہبازشریف کی ہدایت پر پاکستان ٹیلی کمیونی کیشن اتھارٹی نے صارفین کے ڈیٹا کے تحفظ کیلئے عملی اقدامات کا نفاذ شروع کردیا،موبائل فون صارفین کا ڈیٹا بغیر اجازت تشہیری کمپنیوں کو فراہم کرنے پر PTA نے ٹیلی کمیونی کیشن کمپنیوں کو ایسے عناصر پر جرمانہ عائد کی ہدایت کردی۔سربراہ سٹریٹجک ریفارمزسلمان صوفی کے مطابق جون کے آخر تک اس حوالے سے تمام تکنیکی ضابطے مکمل کر لئے جائیں گے۔ انہوں نے بتایا کہ تشہیری میسیجز کو وصول کرنے یا ان پر پابندی لگانے کا مکمل اختیار موبائل فون صارف کو فراہم کر دیا گیا،مزید اصلاحات کیلئے اگلے ماہ، جولائی میں صارفین کی کانفرنس میں مزید تجاویز کو پالیسی کا حصہ بنا کے اطلاق کیا جائے گا۔انہوں نے کہا کہ پاکستان میں پہلی مرتبہ حکومت سنجیدگی سے صارفین کے ڈیٹا کے تحفظ کیلئے اقدامات کر رہی ہے۔