خیبرپختونخوا میں ینگ ڈاکٹرز اور کورونا ریپڈ فورس نے ڈیوٹی سے بائیکاٹ کا اعلان کردیا

خیبرپختونخوا میں ینگ ڈاکٹرز اور کورونا ریپڈ رسپانس فورس نے  آج سے صوبے بھر کے ہسپتالوں میں ڈیوٹی سےبائیکاٹ  کا اعلان کردیا، ترجمان ینگ ڈاکٹرز ایسوسی ایشن ڈاکٹر فیصل کا کہنا تھا کہ صوبے کے ہسپتالوں میں کورونا کی ڈیوٹیاں نہیں کی جائیں گی اورفنڈز نہ ملنے تک بائیکاٹ کا سلسلہ جاری رہے گا۔

ینگ ڈاکٹرز ایسوسی ایشن کے ترجمان ڈاکٹر فیصل خان کے مطابق ینگ ڈاکٹرزاور کورونا ریپڈ رسپانس ٹیم نے فنڈز کی عدم ادائیگی پر  آج سے ڈیوٹیوں کے بائیکاٹ کا اعلان کیا ہے۔    انہوں نے مزید  کہا کہ ڈی جی ہیلتھ اور ان کے اکاؤنٹنٹ کورونا فنڈز کی ریلیز میں رکاوٹ بن رہے ہیں۔