پاکستان تحریک انصاف کی سوشل میڈیا ٹیم کے اعزاز میں تقریب، ممبران کی شرکت

Written by on February 19, 2022

سعودی عرب میں پاکستان تحریک انصاف کی سوشل میڈیا ٹیم کے اعزاز میں ریاض ریجن کے نائب صدر عامر بشیر کی جانب سے تقریب منعقد کی گئی جس میں سنئیر ارکان کے علاوہ ممبران نے شرکت کی جبکہ سفارت خانہ پاکستان کے ویلفیئر اتاشی سہیل بابر وڑائچ بھی شریک ہوئے. 

سعودی دارالحکومت ریاض میں پاکستان تحریک انصاف ریاض ریجن کے نائب صدر عامر بشیر کی جانب سے منعقدہ تقریب میں مقررین کا کہنا تھا کہ پاکستان میں ترقی و خوشحالی کا نیا دور شروع ہوچکا ہے اور وزیراعظم عمران قوم سے کئے گئے وعدوں کی تکمیل کے لئے کوشاں ہیں اور ملک کو درپیش مشکلات سے نکال رہے ہیں جبکہ ملک میں صحت کارڈ، احساس پروگرام اور نوجوان یوتھ پروگرام کے علاوہ دیگر ترقیاتی منصوبوں کے ذریعے انقلاب برپا کیا گیا ہے. 

سفارت خانہ پاکستان کے ویلفیر اتاشی سہیل بابر وڑائچ کا کہنا تھا کہ سعودی عرب میں مقیم لاکھوں پاکستانی ملک کا فخر ہیں جو متحرک اور فعال کردار ادا کر رہے ہیں اور وزیراعظم  عمران خان اوورسیز پاکستانیوں کی بہتری کے خواہشمند ہیں جن کے لئے سفارت خانہ پاکستان کمیونٹی اور ورکرز کے مسائل کے لئے کام کر رہا ہے. 

تقریب سے سوشل میڈیا ٹیم کے ارکان عمر جنجوعہ، زبیر خان بلوچ ،عالم خان اور دیگر نے کہا کہ انفارمیشن ٹیکنالوجی کے اس دور میں سوشل نیٹ ورک کی اہمیت بہت زیادہ ہے اور پی ٹی آئی کہ سوشل میڈیا ٹیم پارٹی موقف کو لوگوں تک پہنچانے میں اہم کردار ادا کر رہی ہے اور پاکستان میں جاری ترقیاتی کاموں کے حوالے سے لوگوں کو آگاہ کر رہی ہے ہمارا مقصد صرف اپنی حکومت کو سپورٹ کرنا ہے اور ہم وزیراعظم عمران خان کا ہراول دستہ ہیں. دیگر مقررین میں عبدالقیوم خان، احمد بشیر، شبریز اختر، قیصر جاوید، چوہدری نذیر، رشاد مندوخیل، بخت شیر خان، نثار اعوان سمیت دیگر نے بھی اظہار خیال کیا.


Reader's opinions

Leave a Reply

Your email address will not be published. Required fields are marked *



Current track

Title

Artist