سندھ میں لسانی سیاست کرنے والوں کے ساتھ وہ کریں گے کہ یاد رکھیں گے: بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ سندھ میں لسانی سیاست کرنے والوں کے ساتھ وہ کریں گے کہ یاد رکھیں گے،سندھ حکومت کی اپوزیشن خوفزدہ ہے کیونکہ انہیں پتہ ہے نہ بلا چلے گا نہ پتنگ ،چلے گا صرف تیر، سندھ کے بلدیاتی قانون کو کالا کہنے والوں کا منہ کالا ہوگا۔ان کا کہنا تھا  کہ مراد علی شاہ کے بیان کو سیاق و سباق سے ہٹ کر لیا جارہا ہے، جب سے پیدا ہوا ہوں کراچی پر دہشت گرد مسلط رہے، پاکستان کے خلاف نعرہ لگانے والوں نے ہمیں لیکچر دینے کی ہمت کیسے کی؟ انتہاپسند سیاست کرنے والوں کی سندھ میں کوئی جگہ نہیں، سندھ نے بانی ایم کیوایم کی سیاست کو مسترد کردیا ہے، پاکستان میں لسانی سیاست کی گئی تو ان کے ساتھ وہ کریں گے کہ وہ یاد رکھیں گے۔