سینئر اداکار ایوب کھوسہ سائیکل پر آگئے
Written by Prime FM92 on October 25, 2021
سینئر اداکار ایوب کھوسہ مہنگائی کے خلاف احتجاج کرنے کیلئے سائیکل لے کر سڑکوں پر نکل پڑے۔
ایوب کھوسہ نے مہنگائی کے خلاف بطور احتجاج کراچی کی سڑکوں پر کافی دیر تک سائیکل چلائی۔ انہوں نے کہا کہ ان کا سائیکل چلانا دراصل بڑھتی ہوئی مہنگائی کے خلاف خاموش احتجاج ہے۔ پاکستان میں اکثریت غریبوں کی ہے اور ان کی زندگی بہت مشکل گزر رہی ہے، وہ ان سے اظہار یکجہتی کیلئے خاموش احتجاج کر رہے ہیں۔
خیال رہے کہ ایوب کھوسہ سنہ 2018 سے سیاست میں متحرک ہیں۔ وہ پیپلز پارٹی کلچرل ونگ سندھ کے سیکریٹری اطلاعات ہیں۔ انہوں نے 2018 کے عام انتخابات میں کراچی سے سندھ اسمبلی کے حلقہ پی ایس 101 سے انتخابات میں بھی حصہ لیا تھا تاہم وہ صرف 5121 ووٹ ہی حاصل کر پائے اور حلقے میں چوتھے نمبر پر رہے۔ اس حلقے سے پاکستان تحریک انصاف کے فردوس شمیم نقوی نے 28 ہزار 34 ووٹ لے کر کامیابی حاصل کی تھی۔
معروف اداکار ایوب کھوسہ نے پیٹرول کی قیمتوں میں اضافے سمیت مہنگائی کے خلاف خاموش احتجاج کیا #PakvsIndia #MaukaMauka #BabarAzam #Shami #T20WorldCup2021 pic.twitter.com/jpsPKdxKOM
— Sarfraz Raja (@Sarfraz_Raja90) October 25, 2021
