سونے کی فی تولہ قیمت 800 روپے بڑھ گئی
Written by Prime FM92 on October 5, 2021
ملک میں سونے کی فی تولہ قیمت 800 روپے بڑھ گئی۔
سندھ صرافہ بازار جیولرز ایسوسی ایشن کے مطابق 800 روپے اضافے کے بعد ملک میں ایک تولہ سونے کی قیمت 1 لاکھ 15 ہزار روپے ہے۔
صرافہ بازار جیولرز ایسوسی ایشن کے مطابق 10 گرام سونے کی قیمت 686 روپے بڑھ کر 98 ہزار 594 روپے ہے۔
ایسوسی ایشن کے مطابق عالمی صرافہ مارکیٹ میں سونے کی قدر 11 ڈالر اضافے سے 1757 ڈالر فی اونس ہے۔