پٹرول اور گیس کے بعد سونا یکدم اتنا مہنگا ہوگیا کہ پاکستانیوں کی چیخیں نکل جائیں

ایک ہی دن میں پٹرول اور گیس کی قیمتیں بڑھنے کے بعد پاکستان میں فی تولہ سونے کی قیمت میں بڑا اضافہ ہوگیا۔

سندھ صرافہ بازار جیولرز ایسوسی ایشن کے مطابق نئے مہینے کے پہلے ہی دن فی تولہ سونا 600 روپے مہنگا ہو کر ایک لاکھ 14 ہزار 100 روپے کا ہوگیا ہے۔ دس گرام سونے کی قیمت 514 روپے اضافے سے 97 ہزار 822 روپے ہوگئی ہے۔ دوسری جانب عالمی مارکیٹ میں بھی سونے کی قیمت میں اچانک بڑا اضافہ ہوا ہے۔ یہاں فی اونس سونے کی قدر 31 ڈالر اضافے سے 1754 ڈالر ہوگئی ہے۔

خیال رہے کہ گزشتہ روز حکومت کی جانب سے پٹرولیم مصنوعات کی قیمتوں میں آٹھ روپے 51 پیسے تک جب کہ گیس 29 روپے فی کلو مہنگی کی گئی تھی۔