ورلڈ بیچ ریسلنگ، انعام بٹ کی مسلسل دوسری فتح

روم ورلڈ بیچ ریسلنگ کے مقابلے میں پاکستانی ریسلر انعام بٹ نےمسلسل  دوسری فتح بھی حاصل کرلی ہے۔

  ورلڈ بیچ ریسلنگ کے مقابلے اٹلی میں جاری ہیں، جہاں  پاکستانی ریسلر انعام بٹ کا پہلا مقابلہ یوکرائنی ریسلر کے ساتھ ہوا۔انعام بٹ نے مخالف کھلاڑی کو باآسانی زیر کر کے ایونٹ کی پہلی فتح اپنے نام کی۔ایک گھنٹے بعد انعام بٹ کی دوسری فائٹ یونانی ریسلر کے ساتھ ہوئی، اس مقابلے میں بھی انہوں نے فتح اپنے نام کی۔دوسری فتح کے ساتھ ہی انعام بٹ نے کوارٹر فائنل تک رسائی حاصل کرلی ہے، کل(ہفتے کو) وہ کوارٹر فائنل کے لیے ترکی کے ریسلر کے مدمقابل ہوں گے۔